LEGAZPI CITY-Tinawanan kan Kabataan Partylist Representative nin low grade na 5 out of 10 an SONA ni President BongBong Marcos Jr.
huli sa pagkukulang sa substansiya asin pigtawan doon niya na mas igwang importansya an paninimbagan kaysa sa mga taramon sana.
Segun kay Kabataan Partylist Representative Renee Co, sa intrevista kan Bombo Radyo Legazpi, na para sa saiya, warang tinaong mga plano asin solusyon an Presidente ngani mapauswag an nacion asin kung pig-implementar na an saiyang mga nilatag sa SONA, magtetenir man giraray an dating mga sistema sa gobierno.
Wara suboot nin sinabi si President Marcos Jr. mapadapit sa paghalangkaw kan sahod na mawot nindang maipasa poon pa kan 19th congress alagad nasa P200 an itinalaga na dagdag sa sahod.
Dugang pa niya na mga recycled promises an napag-olayan sa SONA na pauli-ulit nang nadadangog sa mga nakaaging administrasyon.
Mientrastanto, naipaabot niya man an mensahe sa paagi kan saindang mga kampanya mapadapit sa mga totoong nangyayari sa nacion asin an totoong karanasan kan mga namamanwaang Pilipino.
