LEGAZPI CITY — Dae pa nin pagkabisto sagkod ngunyan an responsable sa likod kan pananaksak-gadan sa sarong 16-anyos na joven sa Sitio Taloto Barangay Capsay, Aroroy, probinsya kan Masbate.
Sa ikinundusir na imbestigasyon kan Aroroy Municipal Police, binisto an biktimang si Laurencio Manlangit Jr., 16-anyos, sarong trabahador na residente kan Barangay Talabaan sa parehong banwaan.
Pigsasabing pauli na si Manlangit kaibanan an saiyang mga katrabaho hale sa sarong pabayli kan bigla na sanang magdulok digdi an sarong armadong lalaki asin pinagsasaksak sa manlaen-laen na parte kan hawak na nagresulta sa saiyang tulos na pagkagadan.
Nagdulag an dae nabistong suspetsado makalihis an ginibong krimen.
Padagos pang pig-iimbestigaran kan nasambitan na pulisya an insidente asin ipighahanda na an kasong isasangat kontra sa suspek.
