Nagkondusir nin joint maritime drills an Armed asin Defense forces kan Pilipinas, Amerika, Australia, Japan asin New Zealand sa exclusive economic zone kan Pilipinas.
Segun ki AFP chief Gen. Romeo Brawner Jr. na nagpahiling nin pwersa an nasabing mga nacion para sa commitment na pakusugon an regional asin international cooperation bilang suporta sa malaya asin bukas na Indo-Pacific.
Dugang pa kan opisyal na nag-operate nin magkakaibanan an naval asin air force units kan mga participating nations ngani na mapakusog pa an kooperasyon asin interoperability sa pagultangan kan saindang mga pwersa armadas.
Ginibo man an aktibidad susog sa international law kasabay kan pagsierto sa seguridad sa paglalayag, diretsos asin interes kan ibang mga estado.
Segun sa Australian Defense Mionistry na kaibanan sa training an saindang His Majesty’s Australian Ship Sydney asin Royal Australian Air Force P-8A Poseidon maritime patrol aircraft.
Ini na an ika-apat na Multilateral Maritime Cooperative Activity ngunyan na taon.
