Naghagad nin despensa an pamayo kan Jeju Air, an may kadsadiri kan Jeju Air flight sa nangyaring kalunos-lunos na aksidente na kinaimbweltohan kan kompanya.
Magigirumdoman na may lunad na 181 na pasahero an Jeju Air flight kan nakabangga ini sa pader pag-abot kaini sa Muan International Airport sa South Korea kun saen duwa an nakaligtas, arong miyembro nin crew asin sarong pasahero, mantang 179 man an ipigkonsiderar na nagadan sa nasambitang aksidente.
An Boeing 737-8AS gikan sa Bangkok pasiring sa South Korea. Susog sa paenot na imbestigasyon, posibleng kawsa kan aksidente an sarong bird strike kasabay kan maraot na panahon.
Nagpadara man an National Fire Agency kan South Korea nin 32 fire trucks asin mga bumbero para apulahon an kalayo asin magsagibo nin search and rescue operations.
Ipighayag kan Jeju Air an pakidumamay asin despensa sa mamundong insidenteng nangyari sa mga naulilang pamilya, napagdesisyunan man kaining tutukan an imbestigasyon asin tatabangan an mga pamilya kan mga nagadan na biktima.
