Nagpakitang-gilas sinda J-Hope kan BTS asin Filipino dancer Niana Guerrero sa sarong pig-aabangang dance collaboration makalihis an saindang paghihilingan sa Maynila.
Nag-atendir si Niana sa ikaduwang banggi kan “Hope on the Stage” concert kan Abril 13 asin namidbid si J-Hope pagkatapos kan palabas.
Ipigheras man ni J-Hope sa social media an saindang ladawan.
Kinaagahan, nag-upload siya nin TikTok video kun saen sinda an nagbayle sa saiyang kantang “Mona Lisa.”
Haloy nang mutual followers an duwa sa TikTok poon pa kan Pebrero, asin dati nang inomaw ni J-Hope an solo dance cover ni Niana kan “Mona Lisa.”
Ang pagbisita ni J-Hope sa Pilipinas an saiyang enot na pagbabalik makalihis an walong taon, poon kan huring mag-perform an BTS sa nacion kan 2017.
