Nagtugot an Israel asin Hezbollah na liwat na buhayon an ceasefire o tigil-putukan sa tahaw kan mga pagbalgar sa naenot na kasunduan.
An bagong kasunduang an naisakatuparan sa pagpamagitan kan US asin may mahigot na mga kondisyon para sa mag-inibong na panig.
An mga pangenot na kondisyon kan kasunduan an pag-atras kan Hezbollah sa norte kan Litani River, na labi 30 kilometro ang rayo hale sa border kan Israel.
Kabale man sa kondisyon an padiit diit na pag-atras ng mga tropa kan Israel hale sa southern Lebanon pasiring sa parte kan saindang border.
Solamenteng an Lebanese Armed Forces asin mga tropa kan United Nations peacekeeping sana an tutugutang mag-istasyon sa “buffer zone” sa timog kan Litani River.
Nanindugan man an Israel sa direchos na paghiro o pagbalos kontra sa Hezbollah en kaso may mga nakaplanong pag-atake o pagbalgar sa tigil-putukan.
Huli sa kasunduang ini, rinibong nag-ebakwar na residente an nakabalik sa saindang istaran sa southern Lebanon.
Alagad an sitwasyon an nagtitinir na fragile huli sa nagkaigwa man liwat nin mag report na ribayan nin putok asin pag-atake kan drone sa pagultangan kan duwang kampo makalihis ipaotob an ceasefire.
