Nagkaigwa an Iran asin Sweden nin prisoner swap kung sain pinalaya an war criminal na si Hamid Nouri karibay an pagpapalaya man sa duwang Swedish national.
Segun kay Swedish Prime Minister Ulf Kristersson, habo man kan saindang gobyerno, kinaipohan man giraray na ipaotob an prisoner swap ngani na mapalaya na an diplomat na si Johan
Floderus asin Swedish citizen na si Saeed Azizi.
Napalaya an duwa karibay an pagpapalaya man sa Iranian war criminal na si Hamid Nouri na saro sa mga binansagang “death commissioners.”
Nagsikat si Nouri huli sa ginibo kaining mass executions kan taong 1988 durante kan gera kan Iran asin Iraq.
Pinagtutubudan na responsable si Nouri asin mga pag-iriba kaini sa paggadan sa nasa 5,000 na mga sibilyan na basado sa naging kasuguan ni dating Iranian Supreme Leader Ruhollah Khomeini.
Taong 2019 kan magpasiring sa Sweden si Nouri bilang sarong turista rason nganing maarestar ini kan mga otoridad.
Taong 2022 kan masintensyahan ini kan Stockholm District Court nin habang buhay na pagkakakarsel huli sa ginibong mga war crimes.
Sa paglaya ni Nouri huli sa prisoner swap, nahahandal an gobyerno kan Sweden na mabalik na naman ini sa paggibo nin mga krimen.
