Pinuonan na kan Iran an pagbalos sa ginibong airstrike kan US sa saindang nuclear facility.
Pinauranan kan Iran nin mga short-range asin medium range ballistic missiles an Al Udeid Air Base sa Qatar.
Bago an pag-atake inabisuhan kan Iran an gobyerno kan Qatar na saindang aatakihon an military base kan US.
Obheto kan nasabing pag-abiso an nganing maibitaran an mahiwasan na destroso.
Kinondena kan Qatar an ginibong pag-atake kan Iran kun saen saro suboot ining pagbalgar sa saindang soberanya asin sa saindang airspace.
Sinabi man kan sarong halangkaw na opisyal kan US Military na puon pa kan nakaaging semana an tinangkas na ninda an mga fighter jets kan US sa Al Udeid Air base sa Qatar bilang parte kan pagprotehir kan saindang asset gikan sa nagtitinding labanan kan Israel asin Iran.
