Ginatos-mil na mga empleyado sa Iran an nawaran nin trabaho huli sa nagpapadagos na kariribukan sa pagultangan kan Iran kontra sa Estados Unidos asin Israel na nagpuon kan Pebrero 28, 2026.
An krisis kaya an nagresulta sa pagpundo kan operasyon sa pangenot na mga industriya, pagbagsak kan ekonomiya, asin matinding kadifisilan para sa mga ordinaryong Iranian.
Dakol na mga pabrika, workshops, asin service projects an nagsarado o nagbawas nin operasyon, na nagresulta sa paghahali kan mga contract workers asin day laborer.
An mga mayor na sektor kan ekonomiya kan Iran siring kan petrochemical plants asin mga pasilidad nin bakal an naka eksperyensya nin matinding danyos o pagpundo kan produksyon huli sa mga airstrike, kun sai labi sa 30,000 na mga empleyado sa nasabing industriya kan petrochemical an apektado.
Huli man sa internet blackout, ribo-ribong mga freelancer, programmer, asin content creators an nawaran nin trabaho.
An giyera man an nagkawsa nin pagbaba sa produksyon asin pinaglalaoman na magpapasadit sa ekonomiya nin labi sa 10%.
