LEGAZPI CITY-Nagpatanid an Iran na masimbag sinda sa paagi nin pagpuntirya sa mga energy asin water infrastructure sa bilog na Persian Gulf region kun ipapaotob kan Estados Unidos an saindang pananakot na atakihon an mga power plant kan Iran bilang parte kan mga tensyon sa Strait of Hormuz.
Enkaso matamaan an power grid kan Iran, kabale man suboot sa tatargeton an mga energy asin desalination sa mga nacion sa Gulf na kritikal para sa suplay kan tubig asin kuryente sa rehiyon.
An patanid na ini kan Tehran kasunod kan sarong ultimatum gikan ki US President Donald Trump na buksan giraray an Strait of Hormuz sa laog nin sarong itinalaan na panahon o atubangon an posibleng pagatake sa mga pasilidad nin kuryente kan Iran.
Mientrastanto, pigsawarang bahala sana ni Iranian President Masoud Pezeshkian an nagin banta ni Trump.
Sinabi ni Masoud na an mga pagbabanta na ini an siyang magpapakusog sa mga namamanwaan kan Iran.
