Posibleng maglangkaw pa an inflation rate sa Pilipinas para sa bulan kan Hulyo.
Base sa Bangko Sentral ng Pilipinas, nasa 4.0% hasta 4.8% an posibleng maging inflation rate sa nasyun.
Mas halangkaw ini sa 3.7% na inflation rate na nairehistro kan bulan nin Hunyo asin 4.7% kan Hulyo kan nakalihis na taon.
Epekto iyan kan padagos na pagmahal kan presyo nin produktong petrolyo, singil sa kuryente, gulayon asin iba pang mga produkto.
Nakatabang man an pagbaba kan presyo nin bagas asin prutas ngani na mapaluway nin dikit an inflation.
