LEGAZPI CITY- Nagtitipon ngunyan nin pirma an mga kongresista na nag-endorso kan ika-duwang impeachment complaint kontra ki Vice President Sara Duterte.
Segun ki Act Teachers Party list Representative France Castro sa intrevista kan Bombo Radyo Legazpi na kinakaipuhan na makatipon nin nasa 1/3 kan boto kan mga kongresista ngani na maendorso sa senado an nasabing reklamo.
Ipighayag man kan kongresista na may pighahalat man na ika-duwang impeachment complaint kontra sa bise presidente kaya sa Lunes, pinaglalaoman an paglalatag nin mga lakdang.
Sa presente nasa information drive pa sana suboot an pigigibo kan saindang grupo ngani na mahiling an laog kan reklamo.
Kumpiyansa man si Castro na pamilyar na sa mga miyembro kan Kamara de Representante na an grounds kan impeachment na betrayal of public trust.
Nagtutubod man ini na dae magpapa apekto an mga kongresista sa pangapudan ni Presidente Ferdinand Marcos Jr. na dae na ipaglawos an pagpapatalsik sa bise presidente.
Ini urog pang dakulang kantidad nin kwarta an pigtataram na ginastos ni Vice President Duterte.
Mientras tanto, kumpiyansa si Castro na mausad an reklamo antes pa man an break kan kongreso asin maisakat na sa Senado.
