Kinumpirmar ni House Secretary General Reginald Velasco na igwa sindang piglalaoman na masunad nin ika-apat na impeachment complaint laban ki Vice President Sara Duterte.
Paliwanag kan kongresista na igwang nagkapirang miyembro kan Kamara an naghagad nin extension huli ta pig-aadalan na magsunad nin saro pang complaint.
Segun ki House Secretary General, nasa 10 hanggang 12 miyembro kan House of Representatives gikan sa majority asin minority blocs an nagtaram na plano nindang magsunad nin ikaapat na impeachment complaint.
Nagsayuma man si Velasco na pangaranan an mga nasambit na Kongresista.
Pigtaram kan opisyal na kun masunad nin ikaapat na impeachment complaint sa Lunes, Enero 7, ire-refer ini ki Speaker Martin Romualdez.
Dugang pa ni Velasco an ikaapat na complaint saiyang ire-refer sa Legal Department kan Kamara para sa saindang pag-aadal.
Mientrastanto, sa ngunyan igwa nin tulong impeachment complaint na isinunad sa Kamara kontra sa bise presidente.
