LEGAZPI CITY-Positibo si Independent Commission for Infrastructure Executive Director Atty. Brian Hosaka na makakapagsangat na nin kaso an komisyon bago matapos ang taon.
Liwat sa bago pa sana an komisyon asin kakapoon niya pa sana sa trabaho, nagtutubod si Hosaka na nasa tamang direksyon an ICI sa mga pigsasagibong serye kan imbestigasyon asin pagdangog.
Dakulang angat man sa sainda an limitadong numero kan staff mantang an komisyon an pigbibilog sana kan sarong chairman, asin duwang commissioner na nagsasagibo nin sunod-sunod na hearing.
An limitadong numero an suboot nahahampang sa sarong ‘well-oiled machine’ na pigbibilog kan mga imbuelto sa flood control scandal siring kan mga contractor, government officials, asin iba pang mga imbueltong opisyal.
Pigsisierto man ni Hosaka na nadadangog kan komisyon an agrangay kan publiko laban sa naibuyagyag na mahiwasang korupsyon, asin an pagmawot na maihampang sa ley an gabos na mga responsable digdi.
