Ipighayag ni Independent Commission for Infrastructure (ICI) Chairperson Justice Andres Reyes na kaipuhan munang pag-adalan asin bilogon kan komisyon an mga patakaran bago isagibo an livestreaming kan saindang mga hearing.
Sienerto man kan opisyal na nadadangog kan ICI an pangapudan kan publiko para sa transparency.
Enot nang sinabi kan ICI na dae ini masagibo nin livestreaming sa imbestigasyon katakod kan infrastructure projects, partikular na sa flood control projects, nganing maibitaran an “trial by publicity, sensasyonalismo, asin disimpormasyon.”
Siring man, ngonian na Miyerkoles, inihayag ni Reyes sa pag-atendir niya sa hearing kan Senado na popoonan na kan komisyon an livestreaming kan saindang mga hearing sa masunod na semana.
