Nagsagibo an China nin military drills, kaibanan an live-fire exercises, harani sa sirangankan Luzon, segun sa saindang pahayag.
Kasabay ini kan taunang Balikatan exercises kan Pilipinas asin Estados Unidos.
Labi sa 17,000 na mga suldados hali sa Pilipinas asin Estados Unidos, asin iba pang mga kaalyado an nagpartisipar sa Balikatan drills na nagpuon kan Abril 20 asin madurar hasta sa Mayo 8.
Sa enot na bes, nagpartisipar man an mga combat troops hali sa Japan sa tahaw kan tensyon sa rehiyon.
Segun sa Southern Theater Command kan China na ginibo kan saindang Naval Task Group 107 an manlain lain na aktibidad siring kan live-fire shooting, sea-air coordination, rapid maneuvers, asin maritime replenishment ngani na porbaran an saindang joint combat capabilities.
Ipigduon kan China na an aktibidad an “necessary operation” asin uyon sa international law.
