LEGAZPI CITY-Kinansela kan International Criminal Court (ICC) Trial Chamber III an nakatakdang July 14 status conference sa kaso ni dating Pangulong Rodrigo Duterte makalihis na maaraman kan mga partido asin iba pang kalahok na wara nang partikular na isyung kaipuhan pag-olayan sa presenteng yugto kan proseso.
Huli digdi, dai na idadagos kan hukuman an pagdangog na nakatalaan kuta para sa mga procedural matters.
Nagtetenir man na nakatalaga an masunod na status conference sa Setyembre 16, mantang an pormal na paglilitis kasong crimes against humanity laban kay Duterte, mapoon sa Nobyembre 30, 2026 sa The Hague, Netherlands.
Sa mga nakaaging pagdangog, itinalaga man kan ICC an mga pre-trial deadlinea para sa pagsusumiter kan listahan kan mga testigo asin ebidensya kan prosekusyon asin depensa bilang paghahanda sa paglilitis.
Naenot na man na sinabi kan ICC na piglalaoman nindang personal na maatendir si si Duterte sa masunod na status conference, maliban kun igwang bagong kasuguan an hukuman.
An mga status conference, an bako pa parte kan aktuwal na paglilitis, kundi nagseserbing talakayan sa iskedyul, paghahanda kan magkabilaang kampo, asin iba pang procedural issues bago an pagpopoon kan trial.
