LEGAZPI CITY — Nakatalaan na ipanao kan Philippine Drug Enforcement Agency (PDEA) an nagkapirang mga ekipahes na magagamit kan mga provincial teams sa saindang kampanya kontra sa iligal na droga.
Sa intrevista kan Bombo Radyo Legazpi ki PDEA Bicol Dir. Christian Frivaldo, sarong set an ipapanao sa mga ini kaibanan na an galil, ballistic vest, helmet, motorsiklo, kevlar helmet, hydration pack, asin camera.
Segun sa opisyal, ma-isyu kan nasambitan na mga kagamitan sa lambang PDEA personnel kaya pinaglalaoman na mabo-boost an kumpiyansa kan mga ini pag-abot sa saindang operasyon huli ta well protected na an mga ini.
Katakod kaini, kinumpirmar ni Frivaldo na naglaag man sinda nin 20 gabong mga agents sa Tabaco port asin Matnog port kun sain magkakaigwa nin satellite office an ahensya kaibanan an iba pang task force.
Mientrastanto, pig-orgulyo man kan opisyal na padagos an magayon na koordinasyon asin kooperasyon kan PDEA sa Armed Forces of the Philippines (AFP) kaibanan na an land, air, asin naval military.
