LEGAZPI CITY – Ikinaugma kan human rights group na KARAPATAN an nangyaring pag-arestar ki dating Presidente Rodrigo Duterte katakod sa ginibo kaining crimes againts humanity partikulamente an mga nagadan sa war on drugs asin mga aktibistang nagadan sa irarom kan saiyang termino.
Segun sa Deputy Secretary General kan grupo na si Sol Taule sa intrevista kan Bombo Radyo Legazpi na padagos an saindang piggigibong presscon kaiba an mga pamilya kan mga biktima kan Extra Judicial Killings asin mga manlain-laing human rights froup mapadapit sa pagkaarestar sa dating lider kan nacion.
Ipighayag kan mga pamilya kan mga biktima kan war on drugs na warang karapatan na mag-inarte an pamilya duterte huli ta bako man sinda an nagadanan.
An pagkakaiba suboot kan pagkaka-arestar ki Duterte kaysa sa mga pamilya kan biktima iyo an na nagsairarom ini sa due process kaysa sa basta-basta na sanang ginadan kan nasa posisyon pa ini.
Pigtaram pa kaini na dae suboot matatapos an saindang pagbabantay asin dae ninda bubutasan an laban na saindang haloy nang pinunan kan haros inabot na nin sarong dekada.
Sa hiling niya man na siring man suboot sa pagbasura kan korte sa temporary restraining order na ipigsunad , an mababasura man an writ of habeas corpus na ipigsunad mapadapit sa pagkaka-arestar sa dating presidente.
Pigtawan doon man ni Taule na dapat man makulong an mga kasabwat ni Duterte sa pagpapa-otob kan drug war arug ni Senator Dela Rosa huli ta bako bilog an makukuwa na hustisya kun dae mapapanimbag an mga ini.
