Ipinahiling kan Hollywood ang star ni Lea Salonga sa Walk of Fame kan Miyerkoles, Setyembre 2, pirang aldaw bago an makasaysayang unveiling kaini.
Nakatalaang ilantad an star ni Lea sa Biyernes, 11:30 nin aga Pacific Standard Time, o Sabado, 2:30 nin maagahon sa Pilipinas.
Isasagibo an seremonya sa 6225 Hollywood Boulevard, sa hampang kan Hollywood Pantages Theatre sa Los Angeles, California.
Si Lea an magigin kaenot-enoting Pilipino na magkakaigwa nin sadiring star sa Hollywood Walk of Fame asin ika-2,855 personalidad na maresibe kan nasabing honra.
Mapapabale an saiyang star sa Live Performance category.
Bisto si Lea sa saiyang mga pagganap sa Broadway asin bilang singing voice nina Princess Jasmine sa “Aladdin” asin Mulan sa “Mulan.”
