LEGAZPI CITY – Kumpiyansa an head coach kan Bicol Vulcans para sa Athletics event na dakula an tsansa ni barefoot runner asin triple gold medalist Lheslie de Lima na makakaguno man nin medalya en caso magrepresentar kan Pilipinas sa ASEAN School Games.
Sa ekslusibong intrevista kan Bombo Radyo Legazpi ki Efren Bono, matatrabaho suboot kan 14-anyos na atleta an trayumpo kun tatawanan nin tamang suporta asin magayon na training program.
Hagad sana ni Bono na matawanan nin mas matanos na sapatos si Lheslie urog na dae sigurado kun tutugutan ining liwat na magdalagan sa international competition na nakabitis.
Pag-eksplikar ni Bono na may kani-kaniyang specifications an pades kan sapatos sa kada sport discipline sa athletics.
Pighahalat sa presente kan head coach kun makakasabay si Lheslie sa official list kan makawat sa nasabing international competition sa Jakarta, Indonesia sa maabot na Hulyo.
Kan nakalihis na taon kan magkawat si Lheslie sa ASEAN school games sa Malaysia alagad dae pinalad na manggana huli sa diit na oras nin training mantang kinaipuhan pang mag-asikaso kan dokumento para sa overseas flight.
