LEGAZPI CITY- Natupok nin kalayo ang sarong harong sa Barangay Wagdas, San Andres Catanduanes.
Sa intrevista kan Bombo Radyo Legazpi kay, nakaresibe sinda nin report na igwang nasusulong harong asin tulos man na nagresponde sa lugar.
Makalihis sana an haros pirang minuto, tulos man na naapula an kasulo sa harong.
Napag araman na gibo sa light materials an nasabing harong kaya marikas na naglakop an kalayo.
Sa intrevista kang Bombo Radyo Legazpi kay SF04 Jose Matiento Jr., Officer-in-charge kang San Andres BFP, maluto suboot kuta nin pangudtuhan an kagsadiri kang harong alagad pagbukas kan LPG bigla na sana ining nagkalayo.
Pigkakarkulong maabot sa 67,000 an winalat na danyos kan nasabing kasulo.
Mantang dakulang pasalamat man kan opsiyal na warang nakulugan sa nangyaring insidente.
Sa ngunyan, mas pinapahewas kan BFP San Andres an saindang mga kampanya asin programa arog kan Oplan Ligtas Pamayanan, tanganing mapalakop an kaaraman kan publiko sa pag-ibitar sa mga insidente nin kasulo.
