Legazpi City- Suminampa na sa haros apat na milyon an numero kan naapektaran sa magkakasunod na bagyong tuminama sa nasyon base sa datos kan National Disaster Risk Reduction and Management Council (NDRRMC)
An Bicol region an nakapagrehistro nin pinakahalangkaw na numero kan mga indibidwal na naapektaran na nasa labi 1.9 million. An naunambitang rehiyon an pinakamatinding nirapado huli kay bagyong ‘Kristine’ asin bagyong ‘Leon’.
Pangduwa man an Cagayan Valley kung sain nasa 809,637 indibidwal an naapektaran. Magigirumduman na sa Cagayan nag-landfall an bagyong ‘OFEL’
Mantang sa Eastern Visayas igwang 408,593 indibidwal an apektado asin an Central Luzon man an maabot sa 331,531 indibidwal.
Sa presente igwa nang 244,492 katao an nagtitinir sa mga evacuation center sa bilog na nasyon
Base man sa pinakahuring datos kan ahensya, nagwalat an 3 magkakasunod na bagyo nin 12 katawo na nagadan hale sa Cagayan Valley, Central Luzon asin Cordillera Administrative Region.
