LEGAZPI CITY—Bilang kasimbagan sa padagos na paghalangkaw kan presyo nin mga barakalon asin gastuson, nagkundusir nin mas pinahewas na community pantry an grupong Rise With Max sa terminal sa Barangay Pawa, Tabaco City.
Segun ki Tabaco City Community Pantry Organizer Sheryl Brobio, sa intrevista kan Bombo Radyo Legazpi, kabale sa saindang pigtangro sa target na matabangan na labi 100 na indibidwal an libreng pagkakan, libreng ukay-ukay asin libre gunting para sa mga drivers, commuters asin iba pa.
Dugang kaini na katabang niya sa nasabing inisyatibo an saiyang mga aki asin mga nagboluntad na mga kaparientes.
Sa sunod na Sabado, mawot man nindang matabangan an mga delivery riders sa ciudad.
Mientrastanto, sinabi man ni Brobio na bukas sinda na magtanggap sa mga mawot na magin volunteer sa naunambitang inisyatibo; siring man na sinda nag-aako nin mga mga gamit nang bado nganing itao sa mga drivers asin iba pang mga resipyente kan community pantry.
