LEGAZPI CITY- Nanindugan an grupo nin mga paratukdo na haloy ng dapat nagkaigwa nin pag-aadal asin assesment sa impact kan K-12 program.
Ini an katakod kan pahayag kan Department of Education na pag-rationalize kan curriculum kan senior high school program.
Segun ki Teachers Dignity Coalition Chairman Benjo Basas sa intrevista kan Bombo Radyo Legazpi na apat na batch na an mga nakapagtapos sa senior high school alagad dae man nagsagino nin pag-aadal an ahensya sa performance kan mga ini sa kolehiyo.
Aminado an opisyal na hibaba an employability kan mga nakapagtapos sa nasabing programa.
Dae suboot naotob an promesa kan gobierno na magkakaigwa nin trabaho an mga nagtapos sa K12 program huli ta mismong an mga employers na an nagpatunay na mas mawot nindang i-hire an mga nakapagtapos sa kolehiyo.
Marurumduman na sinabi man kan gobierno na sa paagi kan programa, magigin globally competitive an mga estudyante alagad kabaliktaran suboot an nangyari huli ta mas buminaksak pa an mga estudyante sa mga global tests.
Aminado si Basas na magayon an obheto kan programa alagad igwa suboot na kakulangan an sistema kan nacion.
