LEGAZPI CITY- Bako kumbinsido an grupo kan mga parasisira sa nacion sa padagos na fish importation kan gobierno.
Segun ki Pambansang Lakas ng Kilusang Mamamalakaya ng Pilipinas President Pando Hicap sa intrevista kan Bombo Radyo Legazpi na kun hihilingon an mga datos, dae man makulang an supply kan sira ngunyan na paparani an kapaskuhan.
Aminado an grupo na naka apektar sa suplay an nakalihis na mga raot nin paahon alagad bako solusyon an impormasyon.
Paliwanag kan grupo na mas nagrarahay na an dakop kan sira ngunyan kumparar sa nakalihis na mga aldaw.
Tinuyaw man ni Hicap an kawaran nin tabang kan gobierno sa mga parasisira na naapektaran kan mga raot nin panahon na rason kan pagkalugi kan nasabing sektor.
Mientrastanto, pigtaram man kaini na bako man enterong lugar sa nasyon an nagpaotob nin fishing ban kun kaya dae na dapat nag-abala an gobyerno sa pag-import asin pagsayang nin kwarta.
