LEGAZPI CITY- Nangapudan an grupo nin mga paraoma na paramientras na ibasura an pagpapataw nin excise tax sa langis sa tahaw kan nagpapadagos na kariribukan sa Middle East.
Ini an katakod kan pigkakahaditan na padagos pang paglangkaw sa presyo kan produktong petrolyo.
Segun ki Bantay Bigas Spokesperson Cathy Estavillo sa intrevista kan Bombo Radyo Legazpi na dakula an epekto sa mga paraoma kun padagos na malangkaw an kantidad kan petrolyo huli ta pigagamit ini sa mga farm equipment asin sa transportasyon.
Makakatabang man suboot kun magtatao an gobierno nin ayuda para sa mga apektadong paraoma ngani na maibsan an negatibong epekto sa sektor kan agrikultura.
Mientras tanto, sinabi ni Estavillo na kinakaipuhan man na imbestigaran kan gobierno an otomatikong pagpapaotob nin oil price increase maski pa sinabi kan Department of Energy na katampad pa nin sarong bulan an stock nin langis sa nacion.
