LEGAZPI CITY- Pirang aldaw makalihis an pag-aprubar ni Presidente Rodrigo Duterte sa gratuity pay na P1000 hasta sa P2000 sa mga contractual workers kan gobyerno, naghahapot na an mga ini kun nuarin mapapa-utob an Adminisrative Order.
Sinabi ni Raymond Escalante, tagapagtaram kan Department of Labor and Employement (DOLE) Bicol na pighahalat pa ninda sa ngunyan an guidelines kan nasambitan na kasuguan kan presidente.
Sigon ki Escalante, sakop kan gratuity pay na ini an gabos na mga empleyado kan gobyerno na job order o contractual.
Pinirmahan ini kan presidente bilang pagmidbid sa higos kan nasambitan na mga empleyado na nagsirbe nin hasta sa apat na bulan kan Disyembre 15, 2016.
Makakaresibe nin P2,000 an nagkaigwa nin satisfactory service” o apat na bulan na serbisyo mantang P1,000 an magigin gratuity pay para sa mga nagsirbe nin kulang sa apat na bulan alagad dapat na epektibo pa an saindang kontrata sa nasambitan na petsa.
Pig-iingganyar man kan AO an mga local government units (LGU) na magtao nin gratuity pay sa saindang mga contractual workers.
