LEGAZPI CITY – Preparado na an Gobierno Lokal kan Legazpi para sa selebrasyon kan Chinese New Year sa ciudad.
Segun ki Legazpi City Councilor JP Lee sa intrevista kan Bombo radyo Legazpi na ipigseselebrar ini taon taon kan Legazpi Albay Chinese Filipino Chamber of Comerse and Incorporated.
Igwa sindang nakalatag na aktibidad na suportado kan City Covernment, Provincial Government asin Department of Tourism.
Aatendiran man suboot an aktibidad nin sarong midbid na celebrity chinoy.
Pigtaram pa kan konsehal na bukas man an selebrasyon sa gabos na mawot makikiselebrar, may dugong chinese man o wara.
Piglinaw pa kaini na pigsibog an aldaw kan selebrasyon sa Pebrero 2 nin huli ta ilalaan an mismong aldaw kan Chinese New Year na Enero 29 nganing iselebrar ini kan filipino chinese community kaiba an saindang mga pamilya asin kalimitang aldaw suboot nin domingo pigsasagibo ninda an aktibidad.
Piglalaoman ninda na dakol an maatendir sa aktibidad nganing makiugma partikular na an mga bikolanong chinoy na namumuhay sa ciudad asin kataraid na banwaan.
Kahagadan ni Lee sa gabos na makikisumaro sa aktibidad na maki-ugma asin makanood kun pano an Chinese culture asin pagselebrar ninda kan Chinese New Year.
