LEGAZPI CITY-Ipighayag kan sarong Geopolitical Observer na bako siya kumbinsido sa mga statement ni Atty. Nicholas Kauffman sa nakalihis na confirmation of charges hearing kan kaso laban kay dating Presidente Rodrigo Duterte sa International Criminal Court (ICC).
Segun kay Geopolitical Observer Denmark Suede sa intrevista kan Bombo Radyo Legazpi na paiba-iba nin statement si Kauffman kun sain pig-raraot kaini an saiyang depensa.
Sinabi pa ni Suede na manggana man o madaog, pabor ini para kay Kauffman, alagad kwestyunable suboot kun sain nagkukuwa nin pambayad si Duterte para kay Kauffman bilang legal counsel.
Pigpapahiling suboot kaini na makamundo an justice system sa Pilipinas, huli ta nasa irarom ini kan “scrutiny” asin nagtios sana an warang kwarta.
Dugang pa ni Suede an pigagamit ni Kauffman an “delaying tactics” bilang sarong abogado asin pigsasagibo sana an saiyang trabaho.
Mientrastanto, dakula man suboot na epekto sa kaso an alegasyon mapadapit sa naratibong nakaresibe suboot nin male-maletang kwarta an ICC, na kun sain pwedisir sindang makulong basado sa Article 70 kan Rome Statute.
Sa presente, dagdag pa ni Suede na piglalaoman ni Kauffman an dakulang posibilidad kan mistrial alagad nahihiling niya suboot na enkaso tuluyang ma-convict si Duterte, posibleng magkaigwa nin panibagong istorya.
