Inendorso kan Israel’s security cabinet an sarong mahiwasang military plan na obhetong sakupon asin kontrolon an enterong Gaza Strip nganing dagos na mapabagsak an Hamas.
An operasyon, na kinonsiderang “Gideon’s Chariots,” an pagsasagibo nin paglusob asin pagmantenir kan Israeli forces sa mga nasakop na teritoryo nganing pugulan an pag-usbong giraray kan Hamas.
Kaiba man sa plano an sapiritang paglikas kan mga Palestinian civilians pasiring sa southern part kan Gaza, mantang limitado an paglaog kan humanitarian aid sa mga lugar na kontrolado kan militar.
Nagpatanid an mga international organization, kabale an United Nation (UN), na an nasabing lakdang an pwedesir magpalala sa krisis sa nasabing lugar.
Mientrastanto, nagpahayag an pirang opisyal kan Israel nin posibilidad ceasefire asin negosasyon para sa pagpapalaya kan mga bihag bago an piglalaomang pagbisita ni US President Donald Trump sa masunod na semana.
