Tinawan duon ni Senate President Pro Tempore Ping Lacson na parte sana kan saiyang mandato bilang Blue Ribbon Committee chair an pag-usad kan imbestigasyon sa suboot flood control project scam.
Ini an sa ibong kan pagtatampo o kulog buot hali sa mga kapwa senador na naiimbwelto sa partial committee report.
Aminado si Lacson na igwang nagkapirang mga pag-iriba sa Senado na dae siya pigkakaolay.
Alagad nasasabutan suboot niya an sitwasyon huli ta sensitibo an isyu.
Nanindugan man an opisyal na kaipuhan niyang gampanan an saiyang mandato, urog na kun an isyu an may kinaaraman sa posibleng korapsyon asin paninimbagan sa pondo kan banwaan.
