LEGAZPI CITY — Magayon suboot na development para sa kampanya kontra droga kan administrasyon na naghihiro an kada barangay ngane na maklarado an mga ini sa iligal na droga.
Segun ki Kapitan Joseph Philip ‘JP’ Lee, kan Barangay Oro Site asin presidente kan Liga kan mga Barangay sa syudad kan Legazpi, magayon an suportang pigpapahiling kan Philippine National Police (PNP), mga ahensya de gobyerno, asin local government units (LGUs) ngane na mapuho an problema sa droga asin mapakusog an programa.
Nagtutubod man si Lee na kaya kan lambang barangay na mahali an droga sa saindang lugar huli naman sa dedikasyon asin kumpyansa kan presidente na magtabang sa anti-illegal drugs campaign.
Aminado man an kapitan na kulang an pondo kan mga barangay kun kaya may kadifisilan man na mautob an mawot na pagbabago.
Pighahalat man suboot ninda na mag-full blast na an gobyerno asin LGUs huli ta sainda nakasalalay an rehabilitation efforts asin livelihood projects para sa mga nagsurindir na durugista.
