Pigkarkulong nasa 1,000 kadugangang pagkagadan an nairehitsro kaysa sa piglalaomang numero sa labing heatwave na nagtama sa dakulang parte kan France.
Sa iniluwas na pahayag Public Health France, sinabi kaining puon Hunyo 24 an nakapagrehistro na nin pocomas o menos 1,000 kadugangang pagkagadan kumpara sa mga binawian nin buhay sa mga nakalihis na bulan.
Pinakamala suboot an epekto sa mga lugar na isinairarom sa red alert huli sa labing init.
Sa kabilogang numero kan mga nagadan, 85 porsiyento an mga edad 65-anyos.
Segun pa sa ahensya, pinakadakula an itinaas kan numero kan mga nagadan sa laog kan saindang mga harong, partikular sa Ile-de-France, na kinabibilangan kan Paris asin mga kataid na lugar.
Siring man, sinabi kan ahensya na paenot na datos pa sana an mga numero na ini, asin posibleng mas halangkaw pa an aktuwal na numero kan mga binaiwan nin buhay.
Naghupa naman an labing init sa France makalihis an pirang aldaw na haralangkaw na temperatura na nag-abot sa labi 40°C sa kadakol na parte kan nacion.
