Dinaog kan Germany an Curacao, 7-1, sa saindang Group E match sa Houston Stadium sa Houston, Texas, USA sa nagpapadagos na FIFA World Cup 2026.
Anom na minuto pa sana an nakalihis puon kan kawat, an midfielder na si Felix Nmecha an nag-iskor na para sa Germany.
Ini an bagong record para sa pinakamarikas na goal sa FIFA World Cup 2026 — mas marikas kaysa sa “own goal” na dating nairehistro kan midfielder kan Paraguay na si Damián Bobadilla sa saindang kawat kontra sa USA.
Sa ika-21 minuto, nakaiskor si Livano Comenencia para sa Curacao kun sain ini an makasaysayan asin enot na goal kan Curacao sa World Cup.
Alagad pagkatapos kaini dae na nagpapugol an Germany asin nag-iskor nin magkasunod na goal sa paagi ninda Nico Schlotterbeck, Kai Havertz (brace), Jamal Musiala, Nathaniel Brown, asin Deniz Undav.
An Curacao an nasa ika-82 pwesto mantang ang Germany an nasa ika-10 pwesto. Apat na beses na sindang nanggana nn kampeonato sa World Cup — 1954, 1974, 1990, asin 2014.
Mantang ini man an debut kan Curacao sa FIFA World Cup.
