Legazpi City– Naglangkaw pa an produksyon kan sira sa Bicol Region base sa nakalihis na monitoring kan Bureau of Fisheries and Aquatic Resources.
Sa intrevista kan Bombo Radyo Legazpi kay Rowena Briones an tagapagtaram kan BFAR Bicol, huli sa magayon na lagay kan panahon sa Bicol kaya mas dakol an panahon o oras kan mga parasisira na maglawod.
Nakapagrehistro man nin 42% na paglangkaw sa fish production sa Bicol para sa second quarter na monitoring kan naunambitan kan ahensya.
Dakula man na naging factor an mga enterventions na pinagsasagibo kan BFAR para sa paglangkaw kan produksyon nin sira sa rehiyon.
Segun pa kay Briones nasungkit man kan Bicol an rank 2 sa may pinakamagayon na performance asin sa may pinakadakol na produksyon kan sira.
Maabot na man sa 27,306 metric tons o 55% an nairehistrong paglangkaw kan bilang kan sira na nadadakop sa kadagatan kan Bicol.
Nagabot man sa 127% na paglangkaw sa produksyon kan sardinas.
Apwera pa dyan nakatabang man sa paglangkaw kan datos nin produkyon an Dilis , Turingan asin Galunggong.
Huli sa halagkaw na produksyon an Bicol Region ay nagtitinir man giraray na supllier kan sira sa nasyon.
