Kinumpirmar kan International Criminal Court (ICC) na kinakaipuha na maghampang sa paglilitis si dating Presidente Rodrigo Duterte para sa kasong crimes against humanity makalihis kumpirmaron kan Pre-Trial Chamber I an mga charges kontra saiya.
Segun sa ICC na malinaw sa Rome Statute na dapat presente an akusdao sa panahon kan trial.
Marurumduman na nag-atendir an dating presidente sa Pre-Trial Chamber kan Marso 2025, alagad dae na nag-atendir pa sa mga nagsunod na pagdangog, kaibanan an confirmation of charges proceedings kan Pebrero.
Sa irarom kan mga patakaran kan ICC, posibleng paramientras na halion an akusado sa courtroom kun enkasong makakaulang siya sa paglilitis, alagad tatawan man siya nin tsansa na sundan an proceedings sa paagi kan communication technology asin makipag koordinar sa saiyang abogado.
Siring man, sinabi kan korte na an siring na lakdang an gagamiton sana sa “exceptional circumstances.”
Si Duterte an nasa kustodiya kan ICC puon pa kan Marso 2025 katakod kan kasong may kinaaraman sa suboot madugong ‘war on drugs’ kan saiyang administrasyon, asin mga alegasyon na paggadan kan siya an alkalde pa kan Davao City.
