LEGAZPI CITY—Liwat na nagpagiromdom an Civil Service Commission Bicol sa mga government employees asin public officials na isumiter an saindang Statement of Assets, Liabilities, and Net Worth (SALN) bago matapos an bulan kan Abril.
Segun ki CSC Bicol Director Atty Daisy Punzalan Bragais, sa intrevista kan Bombo Radyo Legazpi, basado ini sa Republic Act No. 6713 na nagre-require na gabos na empleyado kan gobierno na magsumiter kan saindang SALN bago o durante kan Abril 30 kada taon.
Sinabi man kaini na may mga penalidad o mahahampang sa kaso en kaso na dae magsumiter nin SALN sa tamang oras.
Dugang niya na an regional asin local officials and employees sa Bicol an dapat isumiter an SALN sa Deputy Ombudsman for Luzon.
Mientrastanto, pigimbitaran man kan opisyal an publiko sa saindang mga trainings na isasagibo online siring man an nakatalaan na pag-anunsyar kan ahensya kun nuarin an puon kan filing sa application para sa August Civil Service Exam sa paagi kan saindang social media pages asin media partners.
