Sarong Filipina na caregiver na binisto na si Leah Mosquera, 49, gikan sa Negros Occidental, an binawian na nin buhay huli sa mga nasapo na lugad kan tamaan ni Iranian missile an saiyang apartment sa Rehovot, Israel.
Susog sa Philippine Embassy sa Israel, si Leah an nagsairarom sa pirang operasyon sa Shamir Medical Center sa intensive care unit kan ospital sa laog nin pirang semana.
An saiyang pagkagadan an kinumpirma kan saiyang tugang si Joy, na nagtatrabaho man sa Israel.
Susog sa embahada, presenteng pig-aasikaso na an mga arrangement para sa repatriation asin iba pang kinakaipuhang tabang para ki Mosquera.
Piggoromdom kan embahada si Leah bilang sarong maboot asin mapagpadangat na tawo, na bisto kan mga barkada bilang Ate Leah, asin maselebrar kuta kan saiyang ika-50 kumpleanyo sa Hulyo 29.
Magigiromdomang na an insidente an parte kan nagtitinding tensyon sa pagultangan kan Israel asin Iran, puon kan nagpuon an airstrikes kan Israel laban sa Iran kan Hunyo 13.
