LEGAZPI CITY-Nasundan nin 40 minuto an pagbuga nin abo sa nangyaring explosive eruption kan bulkang Kanlaon, basado sa pagbabantay kan Philippine Institute of Volcanology and Seismology (Phivolcs).
Segun sa ahensya sa saindang huring report, dakulang bulto nin abo an ibinuga kan bulkang Kanlaon.
Kasabay kaini, pigpagiruduman kan ahensya an publiko mapadapit sa banta nin ashfall na posibleng maekperyensyahan sa kadakol na lugar sa Negros Island Region.
Pigkakarkulo man na maabot sa 2,000 metro an langkaw kan aso hale sa Kanlaon kun sain an dakulang bulto kan mga aso, napapaduman sa west-south-west na direksyon.
Susog sa Phivolcs, nagtetenir an ground deformation sa dakulang parte kan Bulkang Kanlaon asin an posibleng panibagong banta nin pagsabog kaini.
