LEGAZPI CITY-Ipighayag kan Philippine Institute of Volcanology and Seismology (Phivolcs ) na posible pang masundan an nangyaring explosive eruption kan Bulkang Mayon.
Segun ki Phivolcs Mayon Observatory Resident Volcanologist Doreen Abelinde, sa intrevista kan Bombo Radyo Legazpi na igwang mga parte kan Bulkan an dagos na naghuhubag, siring man an mga nairerehistrong sulfur dioxide emission, na indikasyon na igwang pang mga magma sa shallow level kan Bulkan.
Dagdag pa kan opisyal na bago an pigpapahiling na behavior kan Bulkang Mayon kaya dae ma-predict kan mga instrumento sana asin warang masyadong “precursor” kan nangyaring eruption.
Ipinaliwanag man niya na magkaiba an nangyaring effusive erruption kan nakaaging pag-alburuto kaini, huli ta mas maluya an pagsabog kumparar sa explosive erruption na mas bayolente an pagsabog.
Kasunod kaini, inirekomenda kan Phivolcs an pag-ebakwar sa mga nasa 6km permanent danger zone mantang itinaas liwat sa alert lev 3 an Bulkang Mayon.
Pinag-iingat man an mga residentes harani sa bulkan sa posibleng huma kan ashfall, rockfall events asin pyroclastic density currents o uson.
