Inihayag ni dating Philippine National Police Chief Gen. Nicolas Torre III na wara siyang pagbasol sa pagdakop asin pagdara ki dating Presidente Rodrigo Duterte sa The Hague, Netherlands.
Nanindugan si Torre, na ngonian general manager kan Metropolitan Manila Development Authority (MMDA) na pigsagibo sana niya an saiyang mga trabaho asin wara nin personal na motibo sa operasyon.
Naarestar si Duterte kan Marso 2025 sa irarom kan mandamiento de aresto na ipinaluwas kan International Criminal Court (ICC).
Sinabi ni Torre na seryoso asin pormal na legal na proseso an confirmation of charges laban ki Duterte kun kaya dapat ining igalang.
Kasabay kaini, sinabi ni Torre na preparado siyang hampangon an kasong pwedeng isangat kontra saiya huli sa pag-arestar ki Duterte.
Mientrastanto, tolong babaeng judges an madeterminar kun igwa nin supisyenteng ebidensya nganing magkaigwa nin substantial grounds nganing tubudan na si Duterte an nakakomiter nin crimes against humanity, kabali na an murder asin attempted murder.
Kun maski sarong kaso an makumpirma, maabante an kaso sa paglilitis.
