LEGAZPI CITY-Inaprobahan na kan administrasyon ni US President Donald Trump an pagpabakal nin $11 bilyon na kantidad nin mga armas sa Taiwan.
Sa sarong pahayag, kinumpirmar kan Taiwan na ini na an ikaduwang batch nin mga armas na ipabakal kan Estados Unidos poon kan magbalik sa pwesto si Trump.
Susog sa Taiwan foreign ministry, kabali sa package an HIMARS rocket systems, howitzers, anti-tank missiles, drones asin nagkapirang mga parte para sa ibang mga kagamitan.
Kaipuhan pa man giraray na aprubaran kan Kongreso kan Estados Unidos an kasunduan, alagad posibleng dai ini isikwal huli sa pagkakaoroyon kan mga partido sa depensa kan Taiwan.
Susog sa Taiwan defense ministry, an kasunduan sa armas opisyal na piglalaoman na magkakaigwa nin epekto sa laog nin sarong bulan.
