LEGAZPI CITY — Inabot nin duwang oras antes na napuho an kalayo makalihis na magbungkaras an kasulo sa Gigmoto Central Elementary School sa Barangay District 2, Gigmoto, Catanduanes.
Sa ipinaabot na impormasyon kan mga otoridad, napag-araman na tulong classroom sa nasambitan na eskwelahan an nasulo.
Tulos man na nagresponde an Gigmoto Municipal Police asin Bureau of Fire Protection (BFP.)
Makalihis an labi sa duwang oras na pambobomba nin tubig sa mga nagkakalayong classrooms, idineklarar kan BFP an fire out.
Dae man nin nalugadan sa nasambitan na insidente asin sa ngunyan, nagsasagibo na nin imbestigasyon an ahensya ngani na maaraman kun ano an nagin kawsa kan kasulo.
Padagos man na pig-aaram kun pira an nagin danyos kaini.
