LEGAZPI CITY-Pinalawig pa Government Service Insurance System (GSIS) an emergency loan program kaini ngani makaiba pa an mas dakol na lugar sa Luzon.
Makalihis ini na ideklara an state of calamity sa kadakol na mga lokal na gobierno sa Luzon huli sa pananalasa kan mga bagyo asin habagat.
Magpoon ngonian, pwedisir na makapag-apply sa nasambitang naturang emergency loan an mga aktibong miyembro asin pensioners na nagtetenir sa mga nasalantang lugar.
Kairiba na digdi an Cainta, San Mateo at Montalban (Rodriguez) sa provincia kan Rizal, mga siyudad sa Malaban, Marikina, Las Piñas, Navotas, asin Valenzuela sa Metro Manila.
Inanunsiyo man kan state-run pension fund na pwedisir mag-apply nin loan hasta sa bulan nin Agosto petsa 4 an mga myembro o pensioners hale sa Agoncillo sa Batangas, Balagtas sa Bulacan, Malasiqui asin Dagupan City sa Pangasinan, Roxas sa Palawan asin sa bilog na provincia kan Bataan asin Pampanga.
Naenot na man na binuksan an nasambitang programa sa 5 lugar sa Cavite, Quezon City, Umingan sa Pangasinan, Calumpit sa Bulacan asin sa Maynila.
