LEGAZPI CITY- Aminado an sarong election watchdog na talamak man liwat an nangyayaring manlain lain na klase nin vote buying sa nacion.
Kaibanan sa mga ini an pananao nin ayuda kan mga politiko asin pagbabarewas nin manlain lain na klase nin bagay sa mga botante.
Segun ki Kontra Daya Convenor Danilo Arao sa intrevista kan Bombo Radyo Legazpi padagos man an pigigibo nindang monitoring sa mga aktibidad kan nagkapirang personalidad siring na sana kan paghahakot nin mga partisipante sa sarong campaign rally.
Ini urog pa kun pigagamit an resources kan gobierno para sa pansadiring interes.
Nagpatanid man an grupo sa mga personalidad na nagagamit pa kan mga behikulo kan gobierno sa pangangampanya o sa pagdudukot kan saindang mga campaign materials
