LEGAZPI CITY-Uminangat liwat si EJ Obiena sa pagbubukas kan 2026 season makalihis na masungkit an gold medal sa pole vault sa 2026 Asian Indoor Athletics Championships sa Tianjin, China.
Naguno kan two-time Olympian an top podium spot makalihis an 5.70 meters sa enot na attempt.
Pigporbaran pa kutang tapatan ni Li Chenyang kan China an nasabing height alagad bigo ini sa tulong attempts, rason kaya nakuwa niya an silver medal.
Nakumpleto man ni Chen Yang, saro sa Chinese vaulter, an podium sa bronze maalihis ma-clear an 5.40m.
Mantang kapot ni Obiena an Asian record na 5.93m, pigporbaran niyang malagpasan an 5.80m, alagad nabigo siya sa tulong attempts.
Duwang semana bago an torneo, nagpahiling man nin tibay si Obiena asin dinomina an International Springer-Meeting sa Germany, sa saiyang strong form sa indoor season.
Sunod na masabak an Filipino pole vault ace sa INIT Indoor Meeting Karlsruhe sa Germany bilang parte kan saiyang sunod-sunod na international competitions ngonian.
