Doble kayod an Egypt asin Qatar para masalbar an ceasefire asin maibitaran an paglangkaw kan tensyon sa pagultangan kan Hamas asin Israel.
Naghahanap an mga mediators nin solusyon para masierto an balanseng implementasyon kan kasunduan.
Mawot man kan duwang nacion na maibitaran an ano man na paglangkaw nin tensyon.
Padagos man an piggigibo nindang high level communications para ibalik an kasunduan.
Magigiromdomang nagdesisyon an Hamas na saindang ipupundo an pagpapalibre kan mga bihag makalihis na akusaran an Israel nin pagbalgar sa ceasefire deal na ipinaotob kan Enero.
Naghuma man si Israeli Prime Minister Benjamin Netanyahu na magsasagibo sinda nin matinding paglusob sa Gaza kun dae nagpalibre nin bihag an Hamas.
