LEGAZPI CITY- Naresibe na kan Department of Education Bicol an nasa 3, 400 food packs na ipinadara ni Education Secretary Sonny Angara.
An nasabing asistensya an para sa mga paratukdo na naapektaran kan nakalihis na kalamidad na tuminama sa rehiyon.
Segun ki Department of Education Bicol Director Gilbert Sadsad sa intrevista kan Bombo Radyo Legazpi na ibabarewas an nasabing mga asistensya sa provincia kan Camarines Sur asin Albay.
Inasegurar man kan opisyal na igwa pang masunod na mga asistensya an ipapadara hali sa national office.
Basado kaya sa datos kan ahensya maabot sa 1,000 na mga paratukdo an naapektaran kan mga pagbaha sa Naga City, 6, 660 sa Camarines Sur, 1, 729 an mga apektadong paratukdo sa provincia kan Albay asin maabot man sa 100 sa Iriga City.
