LEGAZPI CITY-Naninindugan si Iran President Masoud Pezeshkian na dai sinda maduko sa Amerika ngani sanang tapuson an haros pitong bulan na gera.
Alagad, sinabi niya na bukas sinda sa anuman na diplomatikong solusyon manungod sa iriwal na ini.
Sa saiyang pagtaram sa United Nations General Assembly, sinabi niya na an Iran nagdedepensa sana kan saindang sadiri laban sa mga pag’atake na ginibo kan Estados Unidos asin Israel.
An anuman na kasunduan na iimplementar dapat maglaog nin probisyon para sa Estados Unidos na pumondo sa pag-intercept kan mga barko kan Iran na naglalayag sa mga mayor na agihan sa kadagatan.
An Presidente kan Iran nagpahiling man nin mga imahe kan saiyang mga namamanwaan na nagtitios huli sa mga pag’atake kan Estados Unidos asin Israel.
Si US President Donald Trump, dati nang nagbuyagyag na an mga orolay nangyari na sa pag-ultanan kan mga representante kan Estados Unidos asin Iran nganing tapuson na an gera.
